Baoji – Store norske leksikon (original) (raw)

Baoji er ein by i Shaanxi-provinsen i Kina, ved Wei-elva, lengst vest i Guanzhongbassenget, 175 kilometer vest for provinshovudstaden Xi'an. Byen har 1 409 000 innbyggjarar (FN, 2021) og er eit viktig handels- og samferdselssenter ved jernbanen til Lanzhou og Chengdu.

Industrien i Baoji omfattar produksjon av bomullsstoff, metall, maskinar for oljeboring, jernbaneutstyr, elektriske artiklar og kjemikaliar.

Baoji har rike mineralressursar som bly, kopar, sink og gull, og ligg i eit fruktbart jordbruksområde der det blir dyrka kveite, mais, raps, tobakk og jute.

Baoji er tilknytta både motorvegnett og hurtigtognett.