Deutsche Mark – Store norske leksikon (original) (raw)
Deutsche Mark var den tidlegare mynteininga i Tyskland, fram til innføringa av euro i 2002. På norsk var namnet tyske mark.
Faktaboks
1 Deutsche Mark bestod av 100 Pfennige, hadde symbolet DM og internasjonal valutakode DEM.
Historie
Deutsche Mark vart mynteining i Tyskland etter valutareforma i juni 1948, men var i tida 1964–1990 berre mynteining i Vest-Tyskland (BRD). Aust-Tyskland (DDR) hadde i denne perioden ei eiga mynteining kalla Mark der deutschen Notenbank fram til 1967, og deretter Mark der DDR.
Ved innføring av økonomisk union mellom dei to tyske statane 1. juli 1990 vart Deutsche Mark igjen innført i aust. Deutsche Mark vart deretter avløyst av euro då eurosamarbeidet vart oppretta i 2002.