Ivar Eskeland – forfattar og omsetjar (original) (raw)
Faktaboks
Ivar Eskeland
Fødd
30. november 1927, Stord, Hordaland
Død
23. desember 2005, Oslo
Verke
Forfattar og omsetjar
Familie
Foreldre: Rektor Severin Eskeland (1880–1964) og Olga Dorothea Olsen (1886–1975).
Gift 1) 1953 med Ingebjørg Olaug Drivenes (26.1.1933–), dotter av Olav Drivenes (1902–1975) og Anna Digranes (1907–1963), ekteskapet oppløyst 1965; 2) 1967 med konsulent Aase Lill Skare (1932–2015), dotter av instrumentmakar Petter Skare (1905–1999) og Klara Mundheim (1899–1995).
Brorson av Lars Eskeland (1867–1942).
Bilete frå Norsk biografisk leksikon
Ivar Eskeland var ein norsk filolog og litteraturkritikar.
Eskeland var generalsekretær i Noregs Mållag frå 1955 til 1956 og leier frå 1960 til 1963. I tillegg hadde han desse stillingane:
- Teaterkonsulent ved Det Norske Teatret 1960–1965
- Direktør for Nordens Hus i Reykjavík 1968–1972
- Leiar for Sekretariatet for nordisk kulturelt samarbeid 1972–1974
- Leiar i Norsk Litteraturkritikarlag 1975–1981
- Forlagssjef i Forlaget Atheneum 1985–1986
- Leiar for Norsk Oversetterforening 1965–1968 og 1978–1986
- Leiar for Noregs Kunstnarråd 1992–1994
- Statsstipendiat frå 1976.
Han har gitt ut mellom anna bøkene Halldór Kiljan Laxness. Menneske og motiv (1955) og Så seier soga (saman med Jon Leirfall, 1970). Han var også aktiv som omset med meir enn 120 omsetjingar til bokmål og nynorsk. Han gjorde også ein stor innsats for å formidle kunnskap om islandsk kultur og litteratur.
Eskeland var ein fritalande og humoristisk kåsør, noko som mellom anna er tydeleg desse bøkene:
- Den norske folkesjel (1983)
- Den norske folkespegel (1984)
- Den norske oljesjel (1985)
- Ha ein gløgg dag! (1991)
Han gav også ut så ulike biografiar som Du store alpakka. Soga om Gisle Straume (1987) og Snorri Sturluson (1992), som også er gitt ut på engelsk).
Les meir i Store norske leksikon
Faktaboks
Ivar Eskeland
Historisk befolkingsregister-ID