Noregs Boklag – Store norske leksikon (original) (raw)

Faktaboks

Også kjend som

Noregs Boklag L/L

Etymologi

L/L står for lutlag = aksjeselskap på nynorsk.

Noregs Boklag var eit norsk forlag 1922–1984, og var lenge det leiande forlaget for nynorsk litteratur, med forfattarar som Olav H. Hauge, Tor Jonsson og Jan-Magnus Bruheim.

Noregs Boklag vart oppretta i 1922 av Det Norske Samlaget, Noregs Mållag og Noregs Ungdomslag for å gje ut bøker på nynorsk og spreie nynorsk litteratur. I 1927 trekte Noregs Mållag seg ut, og drifta vart meir sjølvstendig. Det same året opna Noregs Boklag bokhandel i Oslo. Frå 1932 var Bondeungdomslaget i Oslo medeigar.

Noregs Boklag gav ut 732 bøker og skrifter inntil drifta vart avvikla i 1984 og Det Norske Samlaget overtok forlagsrettane.