Olav – Guttenavn. Betydning og bruk – Store norske leksikon (original) (raw)
Olav er eit mannsnamn som går tilbake til det norrøne Ó-lafr. I dette toledda namnet tyder forleddet ‘forfader’ og etterleddet ‘arving, etterkommar’.
Paret Olaf – Olav liknar på Alf – Alv på den måten at formene på [-f] er historisk-litterære, mens dei på -[v] har vorte brukte i i talemålet.
Namnet har fleire variantar: Olaf, Olav.
Namnedag er 29. juli. Ola og Ole har også namnedag denne dagen.
Personar med namnet Olav
Kulturell bruk
- Olav Åsteson i «Draumkvedet» (slutten av mellomalderen).
- «Olav og Kari», norsk folkevise.
Kjende personar med namnet Olav
Eit utval personar med namnet Olav, og som er omtalt i Store norske leksikon:
- Olav Tryggvason (968–1000)
- Olav den hellige (995–1030)
- Olav 3. Haraldsson Kyrre (1050–1093)
- Olav 4. Håkonsson (1370–1387)
- Olav Engelbrektsson (1480–1538)
- Olav Duun (1876–1939)
- Olav 5. (1903–1991)
- Olav H. Hauge (1908–1994)
- Olav Thon (1923)
- Johann Olav Koss (1968)
- Olav T. Sandnes (1972)
- Hans Olav Lahlum (1973)
Namnestatistikk
I 2022 var det 14 773 menn i Noreg som hadde Olav som det einaste førenamnet eller som det fyrste av fleire, og Olav var blant dei 50 mest brukte namnet blant norske menn. I 2022 var det 247 gutar som fekk namnet Olav, og det var blant dei 20 mest populære gutenamna dette året.
Utvikling i bruk av namnet
Olaf var blant dei namna som vart populære under den nordiske namnerenessansen, og grunnen til dette var nok at forma Olaf (brukt om Olav den heilage) stod i tidlege utgåver av Snorre. I perioden 1885–1899 låg Olaf som nummer 5 på ranglista. Forma Olav vart fyrst allment kjent gjennom Snorre-omsetjingar noko seinare (på slutten av 1800-talet). Når Olav likevel hadde eit oppsving frå 1865, kan det forklarast på bakgrunn av materialgrunnlaget for namnestatistikken frå folketeljingane: Den fyrste delen (1800–1864) kjem frå 1865-teljinga, den siste (1865–1899) frå 1900-teljinga. I år 1900 meinte nok mange, også dei som skreiv inn opplysningar i 1900-teljinga, at Olav – ikkje Olaf – var den korrekte forma (på grunnlag av nye Snorre-utgåver), og mange av dei som frå 1865 var oppførte med forma Olaf i kyrkjeboka, fekk dette endra til Olav i 1900-teljinga. Olav var på topp 1905–09, og grunnen til dette var at kronprins Olav fekk dette namnet i november 1905. Før han kom til Noreg, heitte han Alexander Edward Christian Frederik.
Geografisk variasjon på 1800-talet
Olav var mest brukt i Telemark.
Olav var mest brukt i Telemark.
Les meir i Store norske leksikon
Litteratur
- Kruken, Kristoffer 1991: Namnet [Olav] og reformasjonen. [Nytt om namn 14].