Sandane – Store norske leksikon (original) (raw)
Faktaboks
Innbyggjartal
2520 (SSB, 2023)
Landareal
2,4 km²
5721 Sandane
Sandane.
Sandane innerst i Gloppenfjorden.
Sandane er ein tettstad i Gloppen kommune i Vestland. Tettstaden er ifølgje SSBs definisjon 2,4 km², og har 2520 innbyggjarar (2023).
Sandane er administrasjonssenter i Gloppen kommune. Sandane ligg ved botnen av Gloppenfjorden, som er ein 12 kilometer lang søraustgåande arm av Nordfjorden.
Næringsliv
I Sandane ligg noko industri, mellom anna trevare- og møbelindustri. Tettstaden er dessutan eit handels- og skulesenter. Sandane er sete for Sogn og Fjordane Energi.
Firda Tidend kjem ut i Sandane. Her ligg òg Nordfjord Folkemuseum. Det er kortbaneflyplass på Anda nordvest for tettstaden på Sandane lufthamn. Det er noko turisttrafikk.
Namn
Namnet er bestemt form fleirtal av 'sand'. Elva gjer ein stor sving rundt bygda, og området innanfor blir liggjande som ei øy av sandavsetningar.
Kart
