Sjoa – Store norske leksikon (original) (raw)

Faktaboks

Sjoa

Etymologi

av norrønt Hjó, ‘den blanke, skinnende’.

Region

Innlandet

Nedbørfelt

1529 km2

Middelvassføring

15 m3/s

Kjelde

Gjende

Munning

Sjoa

Vassdrag

Glommavassdraget

Sjoa er ei tverrelv til Gudbrandsdalslågen i Vågå og Sel kommunar. Ho kjem frå Gjende (984 meter over havet), dannar øvre og nedre Sjodalsvatnet (953 og 940 meter over havet), renn mot nordaust gjennom Sjodalen, lenger nede mot aust og søraust gjennom Heidal og fell ut i Lågen ved Sjoa stasjon.

Nedre delen av Sjoa er mykje brukt til elvepadling og rafting. Den tronge kløfta Ridderspranget ligg i Sjoa, 6 kilometer sør for Randsverk. Langs Sjoa går det bilveg til Gjende og vidare over Valdresflye til Bygdin og Valdres (fylkesveg 257 og 51).

Sjoa er varig verna mot vassdragsutbygging.