Varhaug – Store norske leksikon (original) (raw)

Faktaboks

Innbyggjartal

3381 (SSB, 2023)

Landareal

1,5 km²

Tettstadsnummer

4572 Varhaug

Varhaug er ein tettstad i Hå kommune i Rogaland. Tettstaden er ifølgje SSBs definisjon 1,5 km², og har 3381 innbyggjarar (2023).

Varhaug er administrasjonssenter i Hå kommune, og ligg på Sør-Jæren, ved Varhaug stasjon på Sørlandsbanen. Varhaug har trevare- og møbelindustri, ferdigmatproduksjon og mølle. Gjennom tettstaden går Fv. 504.

Nordaust for Varhaug ligg Åna fengsel, tidlegare Opstad tvangsarbeidshus, populært kalt «Jæderen». Åna fengsel er i dag eit av dei største fengsla i landet, og til institusjonen høyrer ein av dei største gardane i landet.

Namnet er opprinneleg eit gardsnamn, siste ledd siktar til ein stor gravhaug på garden Nordvarhaug; fyrste ledd er truleg norrønt vǫr, 'steinsetting, steinsett grav' eller 'banke av sand eller grus, morene'.