cour — Wiccionaire (original) (raw)

Èn årtike di Wiccionaire.

• 
  di djin
• 
  di poye, dins s' saetch
• 
  di bedot, côpé roydicirmint

Tayon-bodje latén « cor » (minme sinse) (cour ki fwait bodjî l' sonk et "estoumak").

• AFE :
  • diferins prononçaedjes : /kuːʀ/ /køːʀ/ /kyːʀ/ /kjøːʀ/
  • prononçaedje zero-cnoxheu : /kuːʀ/
• Ricepeures : nén rcepåve

cour omrin

1. (antomeye) boket do coir, metou el coistrece, ki fwait bodjî l' sonk veyou come li moteur do voyaedjaedje do sonk.
   • Il a ene maladeye di cour.
   • Elle a l' cour ki toke drole.
   • Ratinde, todi ratinde!
     (…)Li tictak do cour
     Li tamtam des eures — Philippe Antoine (fråze rifondowe).
2. (imådjreçmint) cist organe la, veyou come li cinte des sintimints.
   • D' awè ça sol cour, i faleut k' dj' el deye — Motî d’ Cerfontinne (fråze rifondowe).
   • « Efant, cwand dj' a pretchî l' amour,
     L' ome a semé l' haeyeme e s' cour,
     Eritaedje des poennes k' on-z edeure. » — Louis Lagauche, L'aimant, (1947), Simpe istwére, p. 151 (fråze rifondowe).
   • Des feyes fene alicantes,
     El cour tot al disblouke
     Po on losse do viyaedje — Julos Beaucarne (fråze rifondowe).
3. coraedje po fé ene sacwè Loukîz a : « aveur li cour ».
   • Escuzez m’ … Tén ! Personne … tant mî våt ça m’ dinrè do divant do djåzer å pere. — Louis Lagauche, Cåse d'on comichonaire, 1904, p.23 (fråze rifondowe).
4. estoumak.
   • Dj' a l' cour ki leve.
   • Dj' a l' cour ki tire; il est tins k' on marede!
5. fén mitan.
   • Les coisses do tchena, on les fwait avou l’ cour del côre k’ a stî schinlêye — Lucyin Mahin.
   • On n' prind ki l' cour del salåde.
6. (mot d’ cwårdjeu) ene des cwate coleurs des cwårdjeus, sovin l' pus foite cwand on djowe.
7. aveur bon cour
8. aveur ene sacwè å cour po
   • Vosse feye, sour Djedjene, a ene pitite sacwè å cour po Hinri, ci n' est nén d' ouy ki djel sai. — Antoine Bouhon, Les Brixhes da Gèrâ, 1900, sinne V, p.14 (fråze rifondowe).
9. aveur li cour ki sonne
   • Portant dj' a m' cour ki sonne do dveur pårler insi
     Del feme ki dj' inméve tant et k' dj' a dvou-st elaidi. — Toussaint Brahy, Toussaint Brahy, œuvres wallonnes posthumes, Li Frût d'ine mâle Kpaneie, 1886, p.48 (fråze rifondowe).
10. awè l’ cour ki s’ enonde, awè l’ cour ki monte ; awè l’ cour ki leve, awè l’ cour ki hourixh : aveur håsse di rvômi.
11. awè må l’ cour: esse peneus tot veyant ene sakî k' a ene sacwè k' on n' a nén.
    • Elle a må l’ cour del vey ndaler — Motî d’ Cerfontinne (fråze rifondowe).
12. awè l’ cour gros: esse peneus.
13. awè l’ cour ki tire; awè l' cour neyî: awè fwin.
14. awè l’ cour sol mwin.
15. di bon cour.
16. di tot cour
17. dimorer sol cour.

• BODSON.- Hê, grand bada ! Tén, stope ene pupe, louke, la !
  VICTÔR. – Neni merci, cisse pupe mi dimeurreut sol cour. — Joseph Mignolet, Al bèle fontinne, 1924, p.41 (fråze rifondowe).

1. foû d’ l’ ouy, foû do cour
2. li cour sol mwin
3. vudî s’ cour.

• corin, ecorinner, recorinner

creve-cour, acrotche-cour

• broule-cour

1. • Li djoû d'vant, dj'ala prinde
     Lu batê po 'nn' aller
     Mins dj' ouri des mâs d'vinte
     Tot l' timps d'vant d' dèbarker.
     Dju crindéve lu djènisse
     Èt s'aveû-dj' on broûle-cour ! — Camille Gaspard.

• cour d’ ôr
• cour di pire

tchouk-tchouk

Li mot dins on tite di live, di gazete, di soce, di marke

• Spites di m' cour: ramexhnêye d' arimés da Emile Lempereur
• Cour å lådje: ramexhnêye d' arimés da Jacqueline Boitte
• Discôpé dins on cour: on ptit roman da Emile Lempereur

boket do coir ki fwait bodjî l' sonk

• Lijhoz l’ årtike cour (antomeye) so Wikipedia

Do viebe "cori"

• AFE :
  • diferins prononçaedjes : /kuːʀ/ /koːʀ/
  • prononçaedje zero-cnoxheu : /kuːʀ/
• Ricepeures : nén rcepåve

cour

1. indicatif prezintrece, prumire djin do singulî, do viebe « cori »
   • Vos n' m' avoz nén co stî cweri mes comissions ?! :: Dj' î cour, ô, moman.

Calcaedje do francès « cour » po sacwants sinse do minme mot ki «coû».

• AFE :
  • prononçaedje zero-cnoxheu : /kuːʀ/ (minme prononçaedje pattavå)
• Ricepeures : nén rcepåve

cour femrin

1. djin metou åtoû d' on rwè.
2. (djustice) tribunå.
3. fé l’ cour

courtizan

• cour d' assijhe, cour d' apel, cour di cassåcion
• cour des scabéns

djin ki tournèt åtoû d' on rwè

Loukîz a : « coure »

• Lijhoz l’ årtike cour (discramiaedje) so Wikipedia

cour femrin

1. (retourêye plaece) coû.
2. (do rwè, di djustice) cour (mot scrît e francès come e walon, mins k' a des sinses diferins)