dai — Wiccionaire (original) (raw)

Èn årtike di Wiccionaire.

Gayel po "oyi", come li walès « do », gayelike escôswès « tha », irlandès « tá », roumin « da », vî grek « δή » rûsse « да ».

• AFE :
  • diferins prononçaedjes : /dɛː/
  • prononçaedje zero-cnoxheu : /dɛː/
• Ricepeures : nén rcepåve

dai (nén candjåve)

1. mostere ki c' est bén l' vraiy.
   • Dj' a stou la, dai — Motî Haust (fråze rifondowe).
   • C' est çou ki lyi fåt, dai, cwand on è djåze, i glete. — Édouard Remouchamps, Bultén del Societé d' Lidje, Bulletin de 1858, «w:Li savtî», 77-143 (fråze rifondowe).
   • I n’ estént nén contins, dai, la k’ dji mete mi bleu-bijhe ! Dj’ a si bén oyou l’ côp d’ sounete ! … Sortot Kinåve avou s’ fameus surlet ki n’ a co djamåy polou cori tot côp k’ dj’ a tapé m’ bleu… — Henri Simon, Li bleû-bîhe, 1886, p.9 (fråze rifondowe).
   • C' est si riscant, dai, do schoûter
     Tot çou k' i savèt raconter,
     Les omes. — Jean Dessard, D'ine cohe so l'aute, 1939, p.121, Lès omes, Tchansonète po feume (1903) (fråze rifondowe).
   • MAREYE. […] Efant, dji l’ inméve dedja, nosse dame.
     BÊTRI. – Djel veyeu bén, … mins dj’ fjheu li boigne et l’ aveule. — Joseph Mignolet, Li tchèsturlinne dèl bèle rotche, 1922, p.32 (fråze rifondowe).
   • Et so çoula, Colasse
     Tchessa foû di s' coujhene li djalot marlatcha,
     K' aveut raetchî l' pwezon ki dveut, dai, ç' moumint la
     Evilmer po lontins l' veye do vî rapace ! — Louis Lagauche, Mayon, (1923), p. 29 (fråze rifondowe).
   • LAFLEUR. - Ele ni freut nén del poenne a on liyon di sogne di s' fé hagnî edon ?
     LEYONTINE. - Nonna, Lafleur, nonna, elle a si bon cour, dai. — Jean Lejeune, Po marier Lèyontine, 1928, ake I, sinne IX, p.11 (fråze rifondowe).
   • —Nos n' vis såréns eminer a Lidje avou vosse sipiyeye djambe, Aniouchka
     —Çoula m' fwait si må, dai. — Paul-Henri Thomsin, Li diâle è cwér : Ine avinteûre di Bakelandt l'èspiyon di Napolèyon à Lîdje, 2009, p. 29 (fråze rifondowe).
2. mostere li sorprijhe.
   • (Brut) Vo-l'-cial, dai ! Pompî ! Pompî ! — Joseph Vrindts, Li diale di so l'fontaine, 1889, sinne XI, p.28 (fråze rifondowe).
   • Mins tot d’ on côp, dai, kéne sorprijhe !
     A poenne arivé viè l’ tournant,
     K’ est ç’ k’ i voet el broumeur tote grijhe,
     Håynant s’ pus agali rivnant
     Leyant djouwter, divins ses croles,
     Les flåwes ridjets d’ on tene solo. — Martin Lejeune, Œuvres lyriques du poète wallon Martin Lejeune, "L’iviêr èt l’amour" (fråze rifondowe).
   • Iy ! Dai, k’ il est bea !... Loukîz don come i reye ! — Arthur Xhignesse, Boule-di-Gôme, 1912, p.14 (fråze rifondowe).
   • Kéne afwaire a Lidje, cwè ! Dji piede li tiesse, dai, oh ! Awè ki dji piede li tiesse !... — Joseph Mignolet, Li vôye qui monte, (1933), p.3 (fråze rifondowe).
3. mostere li måvlaedje, li sbaraedje, li doleur.
   • BETCHEYE. (intrant tot tchoûlant, brait d' ses pus foirts) Dji so touwé, dai, way don ... etc
     TCHÅRLUMAGNE. (a Betcheye) - Est ç' li diåle ki vs a-st ahessî ?
     BETCHEYE. - Neni, ç' a stou l' savon, dj' a ridé al valêye del schalete. — Joseph Vrindts, Li diale di so l'fontaine, 1889, sinne XIV, p.34 (fråze rifondowe).
4. (avou l' prono tonike, l' no del djin ou on no k' el discrît) sieve a-z acsegnî ene sakî d' måva.
   • I doimrè la, dai l' mizeråve,
     Aspoyî l' tiesse disconte èn åbe ! — Jean Dessard, D'ine cohe so l'aute, 1939, p.143, Tåv’lê (1920) (fråze rifondowe).
5. rafoircixh li sins di sacwants adviebes metous drî.
   • Awè dai — Motî Haust (fråze rifondowe).
   • Siya dai — Motî Haust (fråze rifondowe).
   • Nonna dai — Motî Haust (fråze rifondowe).
   • Bondjoû, dai, cinsî — Joseph Lahaye (fråze rifondowe).
   • Iy dai, c' est vos k' est la ! — Motî Haust (fråze rifondowe).
6. (mocreçmint) mostere ki c' est nén veur.
   • Oho ! Come dji voe, i gn a nouk k' åye tuzé a m' wårder ene boune plaece !… Merci ! C' est foû binamé, dai !!… — Paul-Henri Thomsin, ratournant "Li vî bleu 2" da François Walthéry & Raoul Cauvin, 1980 (fråze rifondowe).
7. (dins èn arinnoe) assaetche l' asteme di l' atôtchî so ene sakî.
   1. avou on no prôpe ou on sustantif.
      • Hoûtez dê, Monseû l' prédicant
        Ni pârlez nin tant conte lès mônes;
        ca vos f'rîz dîre qui l' diâle vis mône
        come ounk di sès apartinants. — Hubert Ora (1598-1654).
      • Mins on n’ aprind nén a on vî mårticot a fé des xhenes, dai, potince ! Dji vs l’ a yeu d’ ene alinne. — Henri Simon, Li bleû-bîhe, 1886, p.15 (fråze rifondowe).
      • Portant, dji n' fwai nén må pol cåze,
        I sait bén k' dji so d' ene boune påsse,
        Ca dji n' inme ki lu, dai, l' grand sot ! — Jean Bury, Joyeux rèspleus, (1899), "Mi galant" (fråze rifondowe).
      • DJEDJENE. - Dijhoz don, m' feye, ci n' est pus des camaerådes, savoz, çoula.
        MELIYE. - Il est si binamé, dai mame.
        DJEDJENE. - Dji n' di nén l' contråve. — Antoine Bouhon, Les Brixhes da Gèrâ, 1900, sinne V, p.16 (fråze rifondowe).
      • Les maîsses tîhons n’ sont nin so ’ne djèye dai, fré. — JVtt, (1924), Ine sicole flaminde po nos Députés walons, p.49.
   2. avou on prono tonike.
      • Il a stî djonne ossu, dai lu ! L’ a-t-i stî !— Henri Simon, Li bleû-bîhe, 1886, p.15 (fråze rifondowe).
      • JEJENE. - Est i possibe asteure, si les djins vis etindént, on s' mocreu d' vos.
        DJERÅ. (tot s' rimetant do costé d' l' årmå) - Vos n' comprindoz rén, dai, vos … Vos n' estoz nén mediom come mi. — Antoine Bouhon, Les Brixhes da Gèrâ, 1900, sinne III, p.8 (fråze rifondowe).
      • – I m’ sonléve bin, dê, mi ! rèsponda l’ blanc bribeû.
        – Pacyince… nos-î vinrans ! mamouya l’ neûr.
        – Nin oûy, todi, fré ! hah’la l’ feume tot ‘nn’ alant. — Arthur Xhignesse.
      • C' est k' dji n' a pus cwénze ans, dai, mi ! — Louis Wesphal, Les Plaihants Ramages, 1922, Ji n'a pus 15 ans (monologue créé par Mme Heusy), p.65 (fråze rifondowe).
      • Oyi, dai, vos ! Hanesse !… Veur !… Ene medaye beneye ? — Louis Lagauche, Li p'tit hièrdî, (1926), p. 34 (fråze rifondowe).
      • Dji n’ bråkele nén, dai mi ! — Camille Gaspard, ”Dju n’ brâkèle nin” (fråze rifondowe).
      • Ké loyén gn a-t i inte on cirnaivieus et on vî ome, dai, vos ?, ki vos m’ alez todroet dmander. — Lucyin Mahin.
      • (li roy-macrea) - Gn a nol ome ki m' poye touwer, saiss …
        (Eyowin) - Dji n' so nén èn ome, dai, mi ! — David Blaude, ratournant ene replike do « Signeur des aneas III : vorcial li Rwè » (fråze rifondowe).
      • Avou deus foû al fén do matche, comint vôreuss wangnî, dai, ti ?
8. (dins èn arinnoe) (å cmince d' ene fråze) si dit cwand on s' rapinse todroet d' ene sacwè ou cwand-z on vout potchî d' ene coxhe a l' ôte.
   • Dai, l' bossowe Ane si va maryî. — Motî Forir (fråze rifondowe).
9. (metou al difén d' ene fråze) (dins èn arinnoe) fwait dire a l' atôtchî ki c' est l' vraiye.
   • Dj’ a-st oyou brutiner ene sacwè ; mins, vos savoz, les efants, ça pinse k’ on n’ comprind nén, dai ? — Henri Simon, «Sètche, i bètche !» divins «Quatre comédies liégeoises» da Jean Haust (1936), 1889, p.45 (fråze rifondowe).

• awè dai
• siya dai
• neni dai
• nonna dai
• dai-dai
• a dai-dai
• (d' ene foû claire manire) : ciete, awè dai, come di djusse, taiss k’ åy
• (si dit cwand on s' rapinse todroet d' ene sacwè ou cwand-z on vout potchî d' ene coxhe a l' ôte) : paret

w. do Levant w. do Mitan