ЁЛАВЧУ ZAKIR-2 (original) (raw)

Язбаш. Гюллер.

Дагъыстан.
Къумукъ Эль.
Бабаюрт.

Язбашда Бабаюртда, Кумукъ Эльде эдим.
Апрель айда абзардагъы гюллер, бавдагъы тереклер чечекленип башлагъан.
Язбаш иссивлю чакълар - гюнлер булан сююндюре - #веснаестьвесна .
Къабакъ алда, орам бою булан гиччи бавда орнатылгъан гюллер
чечеклангенине сукъланып,барисин де суратлап алгъан эдим.
Бу, 2024 -нчу йылда , интернетде, Живой Журналда ( ЖЖ) "язбаш марафон ЖЖ" ( весенний марафон ЖЖ)- де ортакъчылыкъ этип постлар язаман , орус тилдеги журналымда " ХОЖЕНИЕ вне дома -2".
Гьали бу, къумукъ тилдеги журналымда , бир-нече постлар шо марафонгъа къошаман.
------------------

Къабакъ алда гюль чечек.
( Collapse )

ЯЗБАШ

Дагъыстан.
Бабаюрт.

Язбаш гелди юртгъа ва бавну янгыртма заман болду.
Бав хасилени онгъарма, къокъум сепме ва бел булан яда сюрюп гьазир этмеге , янгъы оьсюмлюк чачмагъа деп бавну онгъартма ишлер башладым.
Биринчилей, гетген йылдан къалгъан къуру къуврайны ва ньали буталангъан тереклени бутакъларын отгъа салып яллатмакъ.
Сонг къол арба булан къокъум ташламакх ва ону, къокъумну, бавгъа яймакъ.
Сонг бел тартып яда сюрюп ерни онгъармакъ.
Ондан сонг янгъы хасилер этмеге герек , янгъы оьсюмлюк чачмагъа.
Шо ишлени башладым Язбаш гелгенде бавгъа.
-----------------------------

Язбаш гелди.
( Collapse )

КЪУМУКЪ ЭЛЬ. ТАРГЪУ.

Дагестан.
Кумыкия.
п. Тарки.

Петербургдан, автобус булан, Махачкалагъа эртен етишип, Таргъу-Тавгъа ва къумукъ юрт Таргъугъа суратгеземе башладым.
Автостанция "Северная" ден башлап, Альбурикентни отюп,шагьардан Кяхулайгъа гётерилип, ёл булан Таргъугъа гетдим. Таргъуну орамларындан таба Таргъу Тавгъа ёл алдым ва ону яр ягъалары булан юрюп Таргъу Тавну, Таргъу юртну , Махачкала шагьарны ва Каспий денгизни суратладым.
...
Таргъулу къумукъ шаир Шейит-Ханум Алишева, эсиме геле мени - шу ёллары, орамлары,
Таргъу Тавну ярлары булан гезевлеп язгъандыр шиъруну :

АТА ЮРТУМ

Тавну уьстюн агъачлыкълар безеген,
Бртубузну къуршап алгъан емиш-бав.
Ялан аякх яшлыгъымны гезеген
Ата юртум - Таргъу булан гёзел тав.
----------------------

Ана йимик къучагъынгда аявлап, Гьайлек йырлы сени булакъ башларынг, Къартлыгъынгны къадав къагъып, таявлап, Оьсдюргенсен мендей нече яшларынг.

( Collapse )

Атлы-Боюн айланмада...

Дагестан.
Буйнакск-Махачкала.
Перевал Атлы-Боюн.

Дагъыстанда, Къулукъ Эльни Шура бойларында ( Темир-Хан-Шура шагьар - гьали Буйнакск) эки гюн суратгезеп къайтып геледим Анжи-калагъа ( гьали Махачкала). Шурадан уллу ёл Нарат-Тёбе тавланы Атлы-Боюн айланмадан оьтюп гете Анжиге ва Каспий денгизге.
Алдын заманлар ( 1920-нчы йыллардан алда) бу айламада ерлешген болгъан къумукъ юрт Атлы-Боюн. Сонг юртлуланы тав тюпге гёчюрген янгы юртгъа - Ленинкентге.
Атлы-Боюн сыртдан тюшгенде, бу ёл шол Ленинкент юртдан таба гете Анжи къалагъа.
Табиат гёрюнюшлени суратлайгъанда ат йылкъы да ёлукъду ёлда.
---------------

Шурадан Анжиге ёл Атлы-Боюн айламадан оьте.
( Collapse )

Яхсай юрт

Дагестан.
Къумукъ Тюз.
Яхсай юрт.

Бу гюн къумукъ юрт Яхсайгъа баргъандыкъ.
Шонда алгъан суратлардан бирлери...
-------------------
Яхсайлы шаир Абдул-Вагьаб Сулеймановну " Мен сагъа борчлуман, Яхсай" шиърусундан гесеги...

Ичингде ачылгъан гёзлерим, Биринчи айтылгъан сёзлерим, Ойнагъан язларым, гюзлерим Саялы мен сагъа борчлуман, Яхсай.

Биринчи абатым, тагъылгъан атым, Биринчи ювугъум, биринчи ятым Саялы мен сагъа борчлуман, Яхсай. Биринчи насипли яшлыгъым, Ойнагъан хумлугъум, ташлыгъым Саялы мен сагъа борчлуман, Яхсай. .... ------------------ ( 40-41нчи бетлер) / Сулейманов А.-В. Сайламлы йырлар: Шиърулар ва поэмалар. - Махачкала: Даг. кн. изд-во, 1987. - 368 с. /

-------------------

Яхсайны орамы гюзде
( Collapse )

Янгы журналым "ЁЛАВЧУ ZAKIR-2 "

г. Гатчина.

Биринчи сообществам (журналым)-да "ЁЛАВЧУ ZAKIR" суратлар булангы постлар салып гьали бажарылмай, негесе журналым "ХОЖЕНИЕ вне дома"дагъы альбомларым суратлар булан толгъан.
Шону учун ачма тюшдю бу, экинчи сообщество-журналны. Олайда ачма тюшдюм экинчи журнал "ХОЖЕНИЕ вне дома-2" - орус тилде постлар ерлешдирилеген.
Гьали къумукъ тилдеги постларымны бу журналымда ерлешдирип(язып) башлажакъман.
-----------------

Бабаюрт. Къазлар къабакъ алгъа гелген, сав гюн авлакъда отлап, татавулда киринип...
( Collapse )