zakir_ruvek_2, posts by tag: zakir5535 - LiveJournal (original) (raw)

Язбаш. Гюллер.

Дагъыстан.
Къумукъ Эль.
Бабаюрт.

Язбашда Бабаюртда, Кумукъ Эльде эдим.
Апрель айда абзардагъы гюллер, бавдагъы тереклер чечекленип башлагъан.
Язбаш иссивлю чакълар - гюнлер булан сююндюре - #веснаестьвесна .
Къабакъ алда, орам бою булан гиччи бавда орнатылгъан гюллер
чечеклангенине сукъланып,барисин де суратлап алгъан эдим.
Бу, 2024 -нчу йылда , интернетде, Живой Журналда ( ЖЖ) "язбаш марафон ЖЖ" ( весенний марафон ЖЖ)- де ортакъчылыкъ этип постлар язаман , орус тилдеги журналымда " ХОЖЕНИЕ вне дома -2".
Гьали бу, къумукъ тилдеги журналымда , бир-нече постлар шо марафонгъа къошаман.
------------------

Къабакъ алда гюль чечек.
( Collapse )

СПб. Бичен майдан.

Санкт-Петербург шагьар.
Бичен майдан.

Санкт-Петербург шагьарны орамлары булан суратгезвде нетшгеним Бичен майдангъа ( Сенная площадь).
Бу , Бичен майдан, алдынгы йыллардан берли танышлы. Институтда ( РГПУ им. А.И. Герцена) охуйгъан заманда кёп оьтгенмен , метродан чыгъып, бу майдандан таба , хоншу орамларын таба барып.
Бу гезик , суратгезев этдим Бичен майданда айланып, Гюз вакътиде.
-----------------

СПб. Бичен майдан ( Сенная площадь)
( Collapse )

Жижеклер ва шиъру.

Дагъыстан.
Къумукъ Эль.
Бабаюрт.

Язбашда Бабаюртгъа гелген эдим Петербургдан.
Язбашны суратлайгъан заманда жижеклени де суратладым.
Жижеклени суратларына къошгъанман шаир Шарип Альбериевни шиърусун "Эки жижек"
ЖЖ-ни 25 йыллыгъы булан къутлайман!
-------------------

Суратла, суратла сени...
( Collapse )

МИШИК. Шиъру.

Дагъыстан.
Къумукъ Эль.
Юрт Бабаюрт.

Гетген 2023-нчу йылда, февраль айны ортасындан тутуп, март айда ва апрель айны яртысында Бабаюртда эдим.
Шо заман суратлагъан эдим уьйде, абзарда, бавда ва орамда гёргенлеримни.
Шаир Абдулмежит Межитовну шиърусуну арасында бир-нече алынган суратланы къошаман.

МЕНИ СУРАТЛАРЫМ

Мен этген суратлагъа Агъам яхшы къарады, Боялгъанын ушатмай, Артда булай сорады:


( Collapse )

ЯЗБАШ

Дагъыстан.
Бабаюрт.

Язбаш гелди юртгъа ва бавну янгыртма заман болду.
Бав хасилени онгъарма, къокъум сепме ва бел булан яда сюрюп гьазир этмеге , янгъы оьсюмлюк чачмагъа деп бавну онгъартма ишлер башладым.
Биринчилей, гетген йылдан къалгъан къуру къуврайны ва ньали буталангъан тереклени бутакъларын отгъа салып яллатмакъ.
Сонг къол арба булан къокъум ташламакх ва ону, къокъумну, бавгъа яймакъ.
Сонг бел тартып яда сюрюп ерни онгъармакъ.
Ондан сонг янгъы хасилер этмеге герек , янгъы оьсюмлюк чачмагъа.
Шо ишлени башладым Язбаш гелгенде бавгъа.
-----------------------------

Язбаш гелди.
( Collapse )

Машукъ Тав. Караслар.

КавМинВоды.
Пятигорск шагьар.

Гюз вакътиде , Пятигорск шагьарда гезейгенде, тав сокъмаклар булан оьрленип Машукъ тавну уьстюне мингеним.
Тавну уьстюнде, менден алда богъанлар ортакъчылыкъ этип орнатылгъан багъаналар ва багъаналагъа къагъылгъан такъталар башгъа шагьарлар нечакъы чакъырым арекде Машукъ тавдан деп. Кёбюсю такъталаны гезевчюлер къакъгъан. Мен ол багъаналагъа - "гезевчю караслар" деп айтсам,англашывлу болар.
Бимр=нече такъталар Дагъыстандан гелген гезевчюлер де салгъан ( Тарки, Тотурбиукала, Избербаш, Дербент ва башгъалар)

------------------------

Пятигорск шашьар. Машукъ тавну уьстюнде "гезевчю караслар".
( Collapse )

ЭКИ БУЛАКЪ. ( Два родника)

Гатчина шагьар.
Музей-заповедник "Гатчина".

Суратгезевге чыкъгъаным Музей-заповедник "Гатчина"-ны Дворцовый паркына
Паркны ичинде уллу Акъ кёл, ва бир ягъасында эки булакъ бар. Эгиз булакълар деп айтма ярай.
Алгъасамайлы, гезейгенде паркда, шо булакъланы, янына барып, суратладым.
Бир-нече суратлары булакъланы...
-------------------------

Эки булакъ Акъ кёлню ягъасында.
( Два родника на берегу Белого озера.)
( Collapse )

КЪУМУКЪ ЭЛЬ. ТАРГЪУ.

Дагестан.
Кумыкия.
п. Тарки.

Петербургдан, автобус булан, Махачкалагъа эртен етишип, Таргъу-Тавгъа ва къумукъ юрт Таргъугъа суратгеземе башладым.
Автостанция "Северная" ден башлап, Альбурикентни отюп,шагьардан Кяхулайгъа гётерилип, ёл булан Таргъугъа гетдим. Таргъуну орамларындан таба Таргъу Тавгъа ёл алдым ва ону яр ягъалары булан юрюп Таргъу Тавну, Таргъу юртну , Махачкала шагьарны ва Каспий денгизни суратладым.
...
Таргъулу къумукъ шаир Шейит-Ханум Алишева, эсиме геле мени - шу ёллары, орамлары,
Таргъу Тавну ярлары булан гезевлеп язгъандыр шиъруну :

АТА ЮРТУМ

Тавну уьстюн агъачлыкълар безеген,
Бртубузну къуршап алгъан емиш-бав.
Ялан аякх яшлыгъымны гезеген
Ата юртум - Таргъу булан гёзел тав.
----------------------

Ана йимик къучагъынгда аявлап, Гьайлек йырлы сени булакъ башларынг, Къартлыгъынгны къадав къагъып, таявлап, Оьсдюргенсен мендей нече яшларынг.

( Collapse )

СПб. Аничков кёпюрню " Клодт Атлары".

Санкт-Петербург.
Невский проспект.
Аничков мост.

Петербург шагьарны уллу орамы ( Невский проспект) Фонтанка оьзенни оьте Аничков кёпюрде.
Шо кёпюрню аты къалгъан ягъасында ерлешген Аничковну къала сындан.
Аничков кёпюрню уьстюнде, Фонтанка оьзенни эки де янына, Атлар Атлылар булан скульптуралары бар.
Шоланы Клодт -скульптор гьазир этген. Ону учун ол бариде скульптуралагъа Аничков кёпюрде айтыла - "Кони Клодта".
Бу кёпюрню ва скульптураланы бек гъужурлу тарихлери бар.
Гьар айры (АТ ва Атлы) скульптураны да айрыча гъужурлу тарихи ва хабарлары бар.
Шу Аничков кёпюрну янындагъы уьйлени тарихлери де бар, ва эки уьйлер къумукъланы тарихине де байлавлу.
1900-чу йылларда ол уьйлерде къумукъ, генерал-майор Шейх Али Алиевич Шейхалиев агьлюсю булан яшагъан.
Шо уьйлени адреслерин билип суратлагъаным ва бирче Аничков кёпюрдеги "Клодтны Атларын" да суратладым,
суратгезевге чыкъгъанда.
-------------------------

СПб. Невский проспект.
Аничков кёпюр.
( Collapse )

АЛМА

Алма алманы дедим, тынгламайлы алып тёбе этип къойдунг истолда ва терезе башда.

Терезе башда алмалар къабакълар булан янаша ерлешип къалды. Шолайлыкъда суратладым барисини гёрюнюшюн.

Гатчина. Алмалар ( яблоки)

Гатчина. Алмалар ( яблоки)

( Collapse )