ivin - Wikeriadur (original) (raw)

Ur pennad eus ar Wikeriadur, ar geriadur liesyezhek frank a wirioù.

Brezhoneg

Kavet en henvrezhoneg (euin).

Meneget er C'hatolikon (iuin, eguin_)._

Da geñveriañ gant ar gerioù ewin en kembraeg, ewyn en kerneveureg, ionga en iwerzhoneg.

Kavet en henvrezhoneg (iuguinenn).

Meneget er C'hatolikon (iuinenn).

Da geñveriañ gant ar gerioù yw(en) en kembraeg, eó en iwerzhoneg, iuos en galianeg, (gwezenn sakr).

ivin /ˈiː.vin/ gourel (liester ivinoù)

Lavnenn garn a gresk war-c'horre penn ar bizied (diwar-benn an dud).
- Da zispenn a rin gant va ivinoù. — (Troude ha Milin, Labous ar Wirionez ha Marvailhoù all, Skridoù Breizh, 1950, p. 144.)
Begoù karn, lemm ha kromm, e penn ar pavioù, skilf (diwar-benn al loened).
- ...kerkent ez afe kounnar ennañ, hag e vemp malet etre e zent pe drailhet gant e ivinoù. — (Troude ha Milin, Labous ar Wirionez ha Marvailhoù all, Skridoù Breizh, 1950, p. 81.)
Oeñs (diwar-benn ar plant).
- Un ivin kignen.
Dre skeudenn, diwar-benn traoù all:
- Ivinoù an amzer : an amzer o tremen hag a laosk roufennoù war dremmen an dud

En doare-skrivañ etrerannyezhel e vez skrivet iwin.

Astenn unan benak war e bevar ivin : diskar anezhañ d'an douar
Bezañ gwad dindan ivinoù unan bennak : bezañ taer
- Tud ar vro-ze a zo gwad dindan o ivinou, ha n'eo ket Saozon fall a rafe da verc'hed Breiz zoken tec'het birviken en o raok. — (G. MILIN, Gwechall-goz e oa..., Kemper, 1924, p. 36-37.)
Bezañ hir e ivinoù : bezañ laer
Dont ar gwad dindan ivinoù ub : sevel droug ennañ
Kaout ivinoù kaouenn : ivinoù lemm
Krennañ e ivinoù da ub : terriñ e fulor da ub

ivin /ˈiː.vin/ strollder (unanderenn ivinenn)

Gwez (Taxus baccata) dezho delioù padus glas-teñval ha frouezh bihan ruz. Kavet e vezont el liorzhoù, er beredoù ha war ar maez.
- .
Koad ar gwez-se.
- .