verke - Wiktionary (original) (raw)
Algemein Gesjreve Limburgs
[bewirk]
Zelfsjtendig naamwaord
[bewirk]
verke ó (Nederlands: varken)
Sinneniem
Verbuging
verkes, verkske
verke
verke ó /vǽr̥kʲe/
- (bieëster) (landjboew) Sus scrofa domesticus: e zwien det gehaje wuuert op 'n boerderie en det gespleten hoven haet
De boer haw drie verke. - (euverdrechtelik) eine dae mit vies werk min verdeentj
- (euverdrechtelik) emes dae gietsig is
- (euverdrechtelik) emes dae gèn meneren haet, emes sónger fetsoen
- (synoniem) anger waord veur vètzak
- (synoniem) anger waord veur zwien
Aafbraeking
- ver-ke
Synoniem
Aafleijinge
- verkeserie
- verkesaerpel, verkesbótram, verkesgebraod, verkesgehak, verkesgriep, verkeshajerie, verkeshaore, verkeshieës, verkeskloeat, verkeskop, verkeskortelet, verkeslejjer, verkesmert, verkesnaas, verkesnak, verkespoeat, verkesrögk, verkesstal, verkesstert, verkesvèt, verkesvleis, verkesvoor, verkeswang, verkeswullem
- aerdverke, dreksverke, fieësverke, kelderverke, menkesverke, mergelverke, mèsverke, meuleverke, sjerverke, spaarverke, stekelverke, straotverke, wildjverke
Verwantje wäörd
- bagk, barg, bieër, breustig, knorre, kreem, verkel, zwien
- gehak, hieës, kermenaaj, kortelet, sjónk, spek
- vaer, vark
Zagswies
- d'n Eine sjeurt de sjaop, d'n angere de verke: d'n Eine krieg väöl, d'n anger min (wuuert gezag euver 'n ónieërlike verdeiling, wie bie 'n èrfenis).
- Dao struie ze de verke mit: Dao is euvervlood aan, dao is mieër es zat van.
- gèn voes hoger es e verke (zeen): te klein zeen (gezag van luuj)
- 'n voes hoger es e verke zeen: hieël erg klein zeen (gezag van luuj)
- 't mets in 't verke laote staeke: get woraan me begós is neet aafmake
- Sint-Teunes mit 't verke: 17 jannewarie
- sjrieëve wie de verke: hel sjrieëve
- sjrieëve wie e (mager) verke: hel sjrieëve
- Smorges verieëre ze Sint-Teunes en smiddis 't verkske: waerde gezag veur e deil vanne boetendörpse pelgrims te kinmirke; nao de mès gónge die nao versjillendje kefees en waerde me zaat.
- staon wie 'n tang op e verke: gans misstaon
Die bóks steit dich wie 'n tang op e verke. - van 't gans verke gevraeten höbbe
- Zoea aad wuuert nag gei verke! = wuuert gebroek es doeadmaeker naodet emes ziene laeftied neump
- zoea lómp wie e verke: hieël lómp
- zoea lómp wie 't echelste van e verke: hieël lómp
- zoea lui wie e verke: hieël lui
- zoea stóm wie e verke: hieël stóm, hieël dóm
- zoea stóm wie 't echelste van e verke: hieël stóm, hieël dóm
- zoea vèt wie e verke: hieël vèt
| inkelvaad | mieëvaad | ||||
|---|---|---|---|---|---|
| radikaal | liaison | radikaal | liaison | ||
| nom. | sjrif | verke | verken | verke | verken |
| IPA | /vǽr̥kʲe/ | /vǽr̥kʲen/ | /vǽr̥kʲe/ | /vǽr̥kʲen/ | |
| dim. | sjrif | verkske | verksken | verkskes | |
| IPA | /vǽr̥kskʲe/ | /vǽr̥kskʲen/ | /vǽr̥kskʲes/ | /vǽr̥kskʲez/ | |
| dat. | sjrif | verke | verke | verken | |
| IPA | /vǽr̥kʲe/ | /vǽr̥kʲen/ | /vǽr̥kʲe/ | /vǽr̥kʲen/ |
[1]
| Cornisch: hogh(kw:) m Estisch: siga(et:) Faeruuers: svín(fo:) ó Fins: sika Frans: cochon m, porc(fr:) m Gotisch: 𐍃𐍅𐌴𐌹𐌽(got:) ó Grieks (nuuj): γουρούνι(el:) m Ieslandjs: svín(is:) ó Igala: okoo(igl:) Ingels: pig(en:) | Koreaans: 돼지(ko:) Nederlandjs: varken ó Pruus: Schwein ó Saramakkaans: hágu(srm:) Sjinees: 豬(zh:) Spaans: cerdo m, puerco m, cochino m Viëtnamees: heo(vi:) Welsh (Wales): moch(cy:) m Zweeds: svin ó, gris g |
|---|
verke /vǽr̥kʲe/
- (neet-lemma) mieëvaadsvorm van verke
Aafbraeking
- ver-ke