Sør-Trøndelag – avis – Store norske leksikon (original) (raw)
Faktaboks
Offisielt namn
A/S Sør-Trøndelag
Organisasjonstype
Forretningsadresse
Orkanger
Odd Arild Sandnes
Henning Johansen
Sør-Trøndelag er ei norsk lokalavis som kjem ut i Orkanger, i papirformat tre gonger i veka og som dagleg oppdatert nettavis. Avisa blei grunnlagd i 1908 og dekkjer Orkdal, Skaun, Meldal, Hemne, Snillfjord, Agdenes og Rindal. Avisa er den einaste som har overlevd av mange bladtiltak i Orkla-dalføret. Sør-Trøndelag greier seg til gjengjeld godt som samlande, uavhengig lokalavis. Avisa er eigd av Polaris Media ASA.
Digitalt
Sør-Trøndelag var som dei andre Polaris Media-avisene tidleg ute med å tilby nettavis, samstundes som ordninga med betalingsmur for ikkje-abonnentar vart innført. Talet på daglege lesarar på nett og papir var i gjennomsnitt 17 883 i fjerde kvartal 2023, ifølgje statistikk frå Mediebedriftenes Landsforening.
Historie
Opplagstall for Sør-Trøndelag, 1986-2023
| 1986 | 7602 |
|---|---|
| 1988 | 7601 |
| 1990 | 7390 |
| 1991 | 7297 |
| 1992 | 7359 |
| 1993 | 7169 |
| 1994 | 7238 |
| 1995 | 7017 |
| 1996 | 7138 |
| 1997 | 7223 |
| 1998 | 7205 |
| 1999 | 7125 |
| 2000 | 7075 |
| 2001 | 7023 |
| 2002 | 6967 |
| 2003 | 7006 |
| 2004 | 7081 |
| 2005 | 7162 |
| 2006 | 7229 |
| 2007 | 7328 |
| 2008 | 7293 |
| 2009 | 7268 |
| 2010 | 7120 |
| 2011 | 7017 |
| 2012 | 6999 |
| 2013 | 6805 |
| 2014 | 6553 |
| 2015 | 6171 |
| 2016 | 5804 |
| 2017 | 5642 |
| 2018 | 6110 |
| 2019 | 6733 |
| 2020 | 7149 |
| 2021 | 7143 |
| 2022 | 7555 |
| 2023 | 8329 |
Kilde:medienorge.uib.no (papiropplag til 2014; deretter totalopplag, endring i beregningsmetode fra 2018)
Avisa Sør-Trøndelag vart gitt ut frå 1908 som Søndre Trondhjems Amtstidende, og frå 1920 som Sør-Trøndelag. Fram til 1950-åra var kallenamnet «Amsti'na» i bruk blant dei eldste i dalføret, men det vanlegaste var «Sørtrønder'n». På dagens talemål blir avisa kalla «Søra».
Det var boktrykkjaren Rasmus Kongsvik som fekk avisa i gang, og etter nokre få år kom ho over på fleire lokale hender. Avisa vart presisert som Venstre-avis, noko det lenge var lett å lese seg til. Avisa vart stogga under andre verdskrigen, men kom i gang att etter frigjeringa i 1945. Godt synleg gjennom det første halve århundret står profilen til lærar og redaktør Erik Aarvik. Ein annan markant redaktør var den seinare kjende forfattaren Per Hansson, og i åra rundt 1950 stod Hansson hardt på for å spreie avisa også utanfor dalføret, særleg til Rindal og Hemne-distriktet.
Som elles i norsk presse bleikna partitilhøyrsla til avisa etter kvart, og avisa er sidan 1996 formelt politisk uavhengig. Dagbladet var innom på eigarsida i nokre år fram til 1991, men i 1999 blei avisa dotterselskap i Adresseavisen-gruppa og er ein del av Polaris-konsernet. Medan Sør-Trøndelag lenge kom ut på papir fem dagar i veka, vart det i 2016 vedteke å redusere utgjevinga til tre dagar.
Opplag
| År | Opplag |
|---|---|
| 1920 | 2600 |
| 1932 | 2500 |
| 1950 | 3088 |
| 1960 | 4516 |
| 1970 | 4579 |
| 1983 | 7598 |
| 1998 | 7205 |
| 2008 | 7293 |
| 2015 | 5991 |
| 2020 | 7149 |
| 2021 | 7143 |
| 2022 | 7555 |
| 2023 | 8329 |
Til og med 2015 gjeld opplagstala for papirutgåva. Frå 2020 blir det brukt netto opplagstal for både digitale abonnement og papirabonnement. Kjelda er opplagstala avisene rapporterer til Mediebedriftenes Landsforening for andre halvår.
Fakta
- Fyrste ordinære nummer: 15.9.1908 med namnet: Sørnde Trondhjems Amtstidene.
- Namnskiftet til Sør-Trøndelag frå 3.1.1920 – 29.9.1932.
- Fyrste nummer etter andre verdskrigen: 1945
- Gauldølen: 15.12.1906 – 29.6.1909, deretter opptatt i Søndre Trondhjems Amtstidene.
- Orkdølen, fyrste nummer truleg 1891 – 31.3.1914, deretter opptatt i Søndre Trondhjems Amtstidene.
- Fjellposten fyrste utgåve 5.1.1907 – 3.7.1918, deretter opptatt i Søndre Trondhjems Amtstidene.
Les meir i Store norske leksikon
Eksterne lenker
Faktaboks
Sektorkode
2100 Private aksjeselskaper mv.
Næringskode(r)
58.130 Utgivelse av aviser