Fritt Ord – Store norske leksikon (original) (raw)
Faktaboks
Offisielt namn
STIFTELSEN FRITT ORD
Organisasjonstype
Forretningsadresse
Oslo
Stifta
07.06.1974
Knut Olav Åmås
Grete Brochmann
Fritt Ord held til i Uranienborgveien 2, rett bak Slottet i Oslo. Bilete er frå ca 1890.
Grete Brochmann er styreleiar i Fritt Ord
Knut Olav Åmås er direktør i Fritt Ord
Fritt Ord er ei norsk stifting som vart oppretta i 1974 med føremål å verne om og fremje ytringsfridomen og med det bidra til å styrkje ei demokratisk samfunnsutvikling i Noreg og berike norsk kultur.
Dette gjer Fritt Ord ved å støtte prosjekt og heidre personar for deira arbeid innanfor føremålet med stiftinga. Mellom større prosjekt som har fått støtte, er oppbygginga av Litteraturhuset i Oslo.
Kapital
Fritt Ord hadde opphavleg aksjane i A/S Narvesens Kioskkompani og tilslutta selskap som grunnkapital. Etter ein fusjon med Norsk Spisevognselskap i 1975, eit dotterselskap av NSB, vart selskapet Narvesen AS danna, der Fritt Ord fekk 59 prosent av aksjane.
NSB selde i 1995 aksjane sine i Narvesen, og selskapet vart børsnotert. Fritt Ord reduserte etter kvart eigardelen sin i Narvesen til 16,2 prosent, men aksjane vart selde og det gamle sambandet mellom Fritt Ord og Narvesen vart avslutta i 2001, då det dåverande Reitan Narvesen ASA vart teken av børs og innlema i Reitangruppen.
Den urørlege grunnkapitalen i stiftinga er sidan 2001 på 500 millionar kroner, og samla eigenkapital ved utgangen av 2023 utgjorde 3,6 milliardar kroner.
Stiftinga vert leia av eit styre (styreleiar sidan 2016: Grete Brochmann), og den daglege drifta vert ivareteken av eit sekretariat i Oslo, leia av ein direktør (sidan 2014: Knut Olav Åmås).
Fritt Ords pris
Fritt Ords pris består av Fritt Ord-statuetten (signert Ulf Aas) og eit pengebeløp som varierer i storleik. Prisen blir delt ut kvart år i tilknyting til frigjeringsdagen 8. mai.
Ifylgje statuttane skal han delast ut i samband med markeringa av Noregs frigjering frå den tyske okkupasjonen. Prisen blir delt ut til personar eller institusjonar for arbeid som blir rekna som særleg verdifullt etter føremålet med institusjonen.
Prisvinnarar
Karen-Christine Friele, generalsekretær i Det Norske Forbundet av 1948, mottok Fritt Ords pris i 1978.
- 1976 Johan Vogt
- 1977 Henrik Groth
- 1978 Karen-Christine Friele
- 1979 Stein Mehren
- 1980 Andrej Sakharov
- 1982 Lech Wałęsa og Hallvard Rieber-Mohn
- 1983 Kjetil Bang-Hansen
- 1984 Nordnorsk Forfatterlag
- 1985 Den illegale presses forening
- 1986 Magli og Torolf Elster
- 1987 Nansenskolen
- 1988 Leo Eitinger
- 1989 Erik Bye
- 1990 The Charta 77 Foundation
- 1991 Nordland Akademi for Kunst og Vitenskap
- 1992 Annette Thommessen
- 1993 Rolv Ryssdal
- 1994 William Nygaard
- 1995 Hanne Sophie Greve
- 1996 Arne Skouen
- 1997 Kåre Willoch
- 1998 Aleksandr Nikitin
- 1999 Medarbeidarane i radiokanalen NRK P2 for god og særprega journalistikk
- 2000 Thomas Christian Wyller
- 2001 Nils Christie
- 2002 Aslam Ahsan / Shabana Rehman Gaarder
- 2003 Berge Furre
- 2004 Unni Wikan
- 2005 Nina Witoszek
- 2006 Bjørgulv Braanen
- 2007 Terje Tvedt
- 2008 Per-Yngve Monsen
- 2009 Nina Karin Monsen
- 2010 Bushra Ishaq og Abid Raja
- 2011 Anders Sømme Hammer
- 2012 Sara Azmeh Rasmussen
- 2013 Per Fugelli
- 2014 Anne Sender
- 2015 Robin Schaefer og Jan Erik Skog
- 2016 Robert Mood
- 2017 Dag og Tid
- 2018 Harald Amdal, Eirik Linaker Berglund, Thor Harald Henriksen og Kenneth Hætta (Tysfjord-saka)
- 2019 Natur og Ungdom og Greta Thunberg
- 2020 Deeyah Khan
- 2021 Jan Grue, Bjørn Hatterud og Olaug Nilssen
- 2022 Meduza (russisk nettavis)
- 2023 Julie Wilhelmsen
- 2024 Harald Henden
Fritt Ords honnør
Hans Heiberg mottok som den første Fritt Ords honnør (posthumt, 1979) "for kraftfull, evnerik og uredd – men aldri uansvarlig – bruk av det frie ord gjennom 50 år".
Fritt Ords honnør er ei påskjøning som blir delt ut for verdifullt virke i det frie ords teneste, gjerne i tilknyting til ei aktuell sak. Påskjøninga består av ein krystallbolle og eit pengebeløp som varierer i storleik. Den kan delast ut fleire gonger kvart år.
Prisvinnarar
- 1979 Hans Heiberg
- 1980 Philip Houm, Hermod Skånland, Anne Ma Ødegaard
- 1981 ingen
- 1982 Hans Børli
- 1983 ingen
- 1984 Arvid Hanssen, Lars Roar Langslet, Alf Steinsøy, Anne-Lisa Amadou
- 1985 Johs. Andenæs, Carsten Smith, Dag Sørli
- 1986 Åge Rønning, Odd Kvaal Pedersen, Radio Immigranten, Anders Bratholm
- 1987 Peter Wessel Zapffe, Harald Tveterås, Birgitte Grimstad, Lillebjørn Nilsen
- 1988 Barthelemy Niava
- 1989 Hå Gamle Prestegard, Espevær Husmorlag, Thomas Thiis-Evensen
- 1990 Jahn Thon, Egil Bakke, Edvard Beyer, Elisabeth Gording, Bestemødrene foran Stortinget, Sidsel Mørck
- 1991 Stiftelsen Aur Prestegård
- 1992 Odd Abrahamsen, Arquebus Krigshistorisk museum, Svein Ellingsen, Erik Hillestad, Egil Hovland
- 1993 Jon Godal, Sverre Ødegaard, Arild Haaland, Dagmar Loe, Anne-May Nilsen
- 1994 Carl Fredrik Thorsager, Helga Arntzen
- 1995 Harald Noreng, Hans P. S. Knudsen
- 1996 Kari Risvik, Kari Vogt, Christian Norberg-Schulz, Rune Slagstad, Cato Guhnfeldt, Axel Jensen, Knut Wigert
- 1997 Nasa Borba
- 1998 Kristin Brudevoll, Erik Damman, Ørnulf Ranheimsæter
- 1999 Aldo Keel
- 2000 Tor Bomann-Larsen, Hans Fredrik Dahl, Geir Hestmark, Geir Kjetsaa, Torill Steinfeld, Jan Otto Hauge, Reidar Hirsti, Ivan Kristoffersen, Arve Solstad, Kadra Yusuf
- 2001 Åsne Seierstad
- 2002 Ottar Brox, Åge Hovengen
- 2003 Willy A. Kirkeby
- 2004 Kristian Ottosen
- 2005 Trygve Refsdal, Hermund Slaattelid
- 2006 Tom Martinsen
- 2007 Janet Garton, Ljubiša Rajić, Ebba Haslund, Sissel Benneche Osvold, Niels Christian Geelmuyden
- 2008 Arnhild Lauveng
- 2009 Else Michelet, Erik Fosse, Mads Gilbert
- 2010 Harald Eia, Dag O. Hessen, Bjørn Vassnes
- 2011 Odd S. Lovoll
- 2012 Simon Flem Devold, Louiza Louhibi, Nina Johnsrud
- 2013 Per Edgar Kokkvold, Nils E. Øy
- 2015 Fredens Ring, Flemming Rose, Vebjørn Selbekk
- 2016 Walid al-Kubaisi, Loveleen Rihel Brenna
- 2017 Leo Ajkic, «The Shameless Girls» (representert av Amina Bile, Nancy Herz og Sofia Srour), Kristin Clemet
- 2018 Simon Malkenes, Odd Isungset
- 2019 Levi Fragell, Hans Fredrik Dahl, Frank Nervik, Norun Haugen, Ola Waagen, Piraya Film
- 2020 Sara Johnsen, Pål Sletaune
- 2021 Utøya og Jørgen Watne Frydnes
- 2022 Lise Klaveness
- 2023 Ella Marie Hætta Isaksen, Bjørn Olav Jahr
- 2024 Lærarar ved Oslo katedralskole
- 2025 Sarah Gaulin
Les meir i Store norske leksikon
Eksterne lenker
Litteratur
- Hilde Gunn Slottemo: Et Fritt Ord. Stiftelse og Samfunn 1974-2024. Aschehoug 2024.
Faktaboks
Sektorkode
7000 Ideelle organisasjoner
Næringskode(r)
94.992 Fond/legater som støtter veldedige og allmennyttige formål