mogop – Store norske leksikon (original) (raw)

Mogop i Stor-Elvdal

Mogop i Ottadalen

Mogop er svært karakteristisk og lett gjenkjenneleg sjølv etter avblomstring.

Mogop (Pulsatilla vernalis)

Utbreiing av mogop

Naturleg utbreiing av mogop (Pulsatilla vernalis). Basert på data frå Den internasjonale naturvernunionen (IUCN Red List, versjon 3, 2017).

Mogop er ei fleirårig urt i soleiefamilien. Mogop er ført opp på Artsdatabanken si raudliste for artar som nær trua (2021).

Faktaboks

Vitskapeleg namn

Pulsatilla vernalis

Beskriven av

(L.) Mill.

Raudlistestatus i Noreg

NT – Nær truet

Global rødlistestatus

LC – Livskraftig

Eigenskapar

Mogop er ei omlag 10–20 cm høg plante med breiflika grunnblad og smalflika stengelblad. Bladrosetten overvintrar. Både blada og stenglane er lodne, medan dei lyseraude til blåfiolette blomane er silkehåra. Blomane er sette saman av seks blomeblad, og fruktene som vert danna, smånøtter, vert spreidde med vinden.

Utbreiing

Planta veks på tørr furumo, beitemark og på rabb i fjellet.

Bruk

Mogop var fylkesblome i tidlegare Oppland fylke, og er stilisert i fylkesvåpenet til det same fylket.

Systematikk

Nivå	Vitenskapelig navn	Norsk navn
Rike	Plantae	planteriket
Rekke	Magnoliophyta	dekkfrøete planter, blomsterplanter, dekkfrøingar
Klasse	Eudicots	tofrøbladete planter
Orden	Ranunculales	soleieordenen
Familie	Ranunculaceae	soleiefamilien
Slekt	Pulsatilla	kubjelleslekta, kubjølleslekta
Art	Pulsatilla vernalis	mogop

Systematikken følger Artsdatabankens inndeling (2024).

Raudlistestatus

Mogop er på Artsdatabanken si raudliste for artar ført opp som nær trua (NT) (2021). Bakgrunnen er ein forventa reduksjon i populasjonsstorleik som følge av klimaendringar og opphøyr av beitedrift.