kirsebærplomme – Store norske leksikon (original) (raw)

Kirsebærplommeblomar

Kirsebærplomme

Prunus cerasifera

Prunus cerasifera, kirsebærplomme. Foto frå: Kalø Vig, Djursland, Danmark

Kirsebærplomme er ein plommesort i rosefamilien som opphavleg stammar frå Balkan og Vest-Asia.

Faktaboks

Også kjend som

Myrobalan

Vitskapeleg namn

Prunus cerasifera

Beskriven av

Jakob Friedrich Ehrhart

Framandartstatus i Noreg

PH – Potensielt høy risiko

Global rødlistestatus

DD – Datamangel

Eigenskapar

Kirsebærplomme er ein busk eller eit lite tre som blir opptil åtte meter høgt. Treet blømer før eller ved lauvsprett med femtalige kvite blomar. Frukta som blir danna, er ei gul eller raud steinfrukt. Fruktene blir spreidde av fuglar.

Bruk

Treet er av lita betydning som frukttre, men har vorte brukt som grunnstamme for dyrking av ulike plommesortar. Kirsebærplomme blir også brukt til hekk- og leplanting, og dessutan til prydtre.

Økologiske konsekvensar

Kirsebærplomme er oppført på framandartslista med status LO – låg risiko i Noreg.

Systematikk

Nivå	Vitenskapelig navn	Norsk navn
Rike	Plantae	planteriket
Rekke	Magnoliophyta	blomsterplanter, dekkfrøete planter, dekkfrøingar
Klasse	Eudicots	tofrøbladete planter
Orden	Rosales	roseordenen
Familie	Rosaceae	rosefamilien
Slekt	Prunus	kirsebærslekta
Art	Prunus cerasifera	kirsebærplomme